सिओलका प्रहरी प्रमुखविरुद्ध लापरबाहीको मुद्दा दर्ता

एजेन्सी । दक्षिण कोरियामा सिओलका प्रहरी प्रमुखविरुद्ध लापरबाहीको मुद्दा दर्ता भएको छ। दक्षिण कोरियामा हलोविन घटनामा भएको एक वर्षपछि मुद्दा दर्ता भएको हो । राजधानीमा ठूलो मानवीय हताहतीको घटना सन् २०२२ को अक्टोबर २९ मा राजधानी सिओलस्थित इटावेनमा भएको थियो । उक्त भागदौडमा १ सय ५९ जनाको मृत्यु भएको थियो।

अधिकारीहरुका अनुसार हलोविनका दिन प्रहरी प्रमुख किम ड्युटीमा थिएनन्। जिम्मेवारी निर्वाह नगरेका कारण घटना भएको भन्दै उनीविरुद्ध मुद्दा दर्ता भएको हो। एक लाखभन्दा बढी मानिसको भीड रहेको ठाउँमा सुरक्षा व्यवस्था चुस्त राख्न नसकेको भन्दै प्रहरी प्रमुख किम क्वाङ हो विरुद्ध मुद्दा दर्ता गरिएको हो।  मुद्दा दर्तापछि पीडित परिवारले तत्काल राजीनामा दिएर अनुसन्धानमा सघाउन किमलाई आग्रह गरेका छन् ।