भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

बिहारमा समारोहको भीडमा अनियन्त्रित बस पस्दा ५ जनाको मृत्यु, ५ जना घाइते

बिहारमा समारोहको भीडमा अनियन्त्रित बस पस्दा ५ जनाको मृत्यु, ५ जना घाइते

एजेन्सी । भारतको बिहारस्थित पश्चिम चम्पारण जिल्लामा तीव्र गतिमा रहेको बस अनियन्त्रित भएर भीडमा पस्दा पाँच जनाको मृत्यु भएको छ भने पाँच जना गम्भीर घाइते भएका छन्।

बेतिया–लौरिया मुख्य मार्गअन्तर्गत एनएच–७२७ मा शुक्रबार राति करिब ११ बजे दुर्घटना भएको हो। गोरखपुरबाट बेतियातर्फ जाँदै गरेको शाही बस बसवरिया र पराउटोला बीचमा छठिहार समारोहका क्रममा आयोजित अर्केस्ट्रा कार्यक्रम हेरिरहेका मानिसहरूको भीडमा पसेको थियो।

स्थानीयका अनुसार विपरीत दिशाबाट ग्यास सिलिन्डर बोकेको ट्रक आइरहेको समयमा बस चालकले नियन्त्रण गुमाएका थिए। त्यसपछि बस सडक किनारमा रहेका मानिसहरूलाई ठक्कर दिँदै अघि बढेको बताइएको छ।

दुर्घटनामा सञ्जय महतो, भोला दुबे, बहादुर महतो, देवेन्द्र दुबे र छांगुर रामको मृत्यु भएको प्रहरीले जनाएको छ। घटनास्थलमै दुई जनाको मृत्यु भएको थियो भने उपचारका क्रममा थप तीन जनाले ज्यान गुमाएका हुन्। घाइते पाँच जनाको अस्पतालमा उपचार भइरहेको छ। प्रहरीले प्रारम्भिक अनुसन्धानमा तीव्र गतिलाई दुर्घटनाको सम्भावित कारण मानेको छ।

 


Thali Mobile Pvt.Ltd.