- २४ आश्विन २०८३, शनिबार / Oct 10, 2026
एजेन्सी । ब्राजिल को दक्षिण–पूर्वी राज्य मिनास जेरेइस मा भारी वर्षापछि आएको बाढी र पहिरोका कारण कम्तीमा २५ जनाको मृत्यु भएको छ ।
सबैभन्दा बढी क्षति जुइज दि फोरा शहरमा भएको छ । उक्त शहरमा मात्रै १८ जनाको ज्यान गएको पुष्टि भएको छ । त्यसैगरी उबा शहरमा सात जनाको मृत्यु भएको जनाइएको छ ।
रातिको समयमा घरहरू भत्किँदा धेरै मानिस बेपत्ता भएका छन् । उद्धारकर्मी तथा स्थानीय बासिन्दाले भग्नावशेष र हिलो पन्छाउँदै हराइरहेकाहरूको खोजी कार्य जारी राखेका छन् ।
लुइज इन्सियो लुला दा सिल्भा ले घटनाप्रति दुःख व्यक्त गर्दै जुइज दि फोरामा आपत्काल घोषणा गरेका छन् । उनले राहत, उद्धार तथा पुनर्निर्माणका कार्यलाई तीव्र रूपमा अगाडि बढाइएको बताएका छन् ।
जुइज दि फोरामा मात्रै करिब साढे चार सय परिवार घरबारविहीन भएका छन् । शहरकी मेयर मार्गारिदा सालोमाओ ले घटनालाई आफ्नो पाँच वर्षे कार्यकालकै सबैभन्दा दुःखद क्षण भएको उल्लेख गर्दै तीन दिन शोक मनाउने घोषणा गरेकी छन् ।
