भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

भारतमा ‘कक्रोच जनता पार्टी’को दिल्ली प्रदर्शन, शिक्षामन्त्रीको राजीनामा माग

भारतमा ‘कक्रोच जनता पार्टी’को दिल्ली प्रदर्शन, शिक्षामन्त्रीको राजीनामा माग

एजेन्सी, २३ जेठ । भारतमा सामाजिक सञ्जालमार्फत चर्चामा आएको ‘कक्रोच जनता पार्टी’ (सीजेपी) ले आज राजधानी दिल्लीमा प्रदर्शन गर्ने तयारी गरेको छ।

विशेषगरी शिक्षामन्त्रीविरुद्ध केन्द्रित यो शान्तिपूर्ण विरोध प्रदर्शन गर्ने तयारी गरिएको भारतीय सञ्चारमाध्यमहरूले जनाएका छन्। पार्टीले परीक्षा अनियमितता र शैक्षिक प्रणालीमा देखिएका समस्याको विरोध गर्दै आन्दोलन अघि बढाएको हो।

पार्टीका संस्थापक अभिजीत डिप्के हाल अमेरिकाबाट नयाँ दिल्ली आइपुग्नुभएको छ। अमेरिकाको बोस्टन विश्वविद्यालयका ३० वर्षीय स्नातक डिप्के यसअघि राजनीतिक सञ्चार रणनीतिकारका रूपमा आम आदमी पार्टीसँग पनि जोडिनुभएको बताइएको छ।

उहाँले मे १६ मा व्यङ्ग्यात्मक शैलीमा ‘कक्रोच जनता पार्टी’ (CJP) स्थापना गर्नुभएको थियो, जसले छोटो समयमै सामाजिक सञ्जालमा व्यापक ध्यान आकर्षित गरेको छ।

यो अभियान सर्वोच्च अदालतका एक टिप्पणीपछि सुरु भएको बताइएको छ, जसमा युवालाई आलोचनात्मक रूपमा ‘कक्रोच’ र ‘परजीवी’ भनिएको थियो। त्यसपछि उक्त शब्दलाई व्यङ्ग्यात्मक रूपमा अपनाउँदै आन्दोलन अघि बढाइएको हो।

पार्टीले केन्द्रिय शिक्षामन्त्री धर्मेन्द्र प्रधानको राजीनामा माग गरेको छ। साथै, आन्दोलनलाई शान्तिपूर्ण राख्न र भीडभाड नगर्न समर्थकलाई आग्रह गरिएको छ। खबर अनुसार, भारतीय शैक्षिक तथा वातावरण अभियन्ता सोनाम वाङचुक पनि आजको प्रदर्शनमा सहभागी हुने सम्भावना रहेको छ।

 


Thali Mobile Pvt.Ltd.