दिपावलीमा मुलुकभर आपराधिक घटना सामान्यः नेपाल प्रहरी

काठमाडौँ । नेपाल प्रहरीले तिहारमा सामान्य केही घटना बाहेक देशभरमा आपराधिक घटना सामान्य रहेको जनाएको छ । तिहारमा विगतको तुलनामा कम आपराधिक घटना भएका केन्द्रीय प्रहरी प्रवक्ता कुवेर कडायतले जानकारी दिए । प्रहरीका अनुसार सडक दुर्घटना पहिले भन्दा केही बढेका छन् । केही दिनभित्रै त्यसको यकिन तथ्याङक सार्वजनिक गरिनेछ ।

उनले भने, ‘ समग्रमा यो तिहारभर आपराधिक घटना सन्तोषजनक नै रहे । केही स्थानमा छिठफुट घटना भए । तर विगतमा जस्तो ठूलो ‘ग्याङ फाइट’ भएको देखिदैन् । यो अवधिभर सडक दुर्घटना चाँही केही बढेको अनुमान गरिएको छ। ’ विगतका वर्षमा भन्दा यसवर्ष बढी जुवा तास खेल्ने पक्राउ परेका छन् भने दीपावलीको अवधिमा केही ठूला आगलागीका घटना पनि भएका छन् ।