भर्खरै : Sorry, your browser does not support inline SVG.
बङ्गलादेशमा राजनीतिक हिंसा चर्कियो, आगजनी र बम विस्फोटका घटनापछि १२४ जना पक्राउ | पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त |

हमासद्वारा इरानलाई छिमेकी देशमाथि आक्रमण नगर्न आग्रह

हमासद्वारा इरानलाई छिमेकी देशमाथि आक्रमण नगर्न आग्रह

एजेन्सी, १ चैत्र । प्यालेस्टिनी लडाकु समूह हमासले छिमेकी देशहरूमाथि आक्रमण नगर्न इरानलाई आग्रह गरेको छ। अन्तर्राष्ट्रिय समाचार संस्था रोयटर्सका अनुसार हमासले औपचारिक वक्तव्य जारी गर्दै यस्तो आग्रह गरेको हो।

हमासले इरानलाई अमेरिका–इजरायलको आक्रमणको जवाफ दिने अधिकार भने रहेको बताएको छ। इरानी नीतिहरूमा हमासले सार्वजनिक रूपमा टिप्पणी गरेको यो पहिलो घटना मानिएको छ।

हमासले मध्यपूर्व क्षेत्रमा भइरहेको युद्धमा इरानसँग ऐक्यबद्धता जनाए पनि इजरायलमाथि प्रत्यक्ष आक्रमण गर्ने चेतावनी भने दिएको छैन। साथै हमासले सबै देश तथा अन्तर्राष्ट्रिय संस्थाहरूलाई युद्ध रोक्न पहल गर्न आह्वान गरेको छ।

गत फेब्रुअरी २८ मा अमेरिका र इजरायलले संयुक्त रूपमा इरानमाथि आक्रमण गरेपछि क्षेत्रीय तनाव चर्किएको छ। त्यसयता इरानले मध्यपूर्व क्षेत्रमा रहेका अमेरिकी सैन्य अड्डाहरूलाई लक्षित गर्दै आक्रमण गरिरहेको जनाइएको छ।

मध्यपूर्वमा युद्ध शुरू भएको दुई हप्ता बितिसकेको छ। इजरायल, इरान तथा विभिन्न क्षेत्रीय समूहबीच मिसाइल, ड्रोन र रकेट आक्रमण तीव्र बन्दै जाँदा मानवीय तथा आर्थिक संकट गहिरिँदै गएको विश्लेषकहरूले बताएका छन्।

 


Thali Mobile Pvt.Ltd.