भर्खरै : Sorry, your browser does not support inline SVG.
बङ्गलादेशमा राजनीतिक हिंसा चर्कियो, आगजनी र बम विस्फोटका घटनापछि १२४ जना पक्राउ | पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त |

इरानमाथि ट्रम्पको कडा चेतावनीपछि चर्कियो विरोध

इरानमाथि ट्रम्पको कडा चेतावनीपछि चर्कियो विरोध

एजेन्सी, ७ असाेज । अमेरिकी राष्ट्रपति डोनाल्ड ट्रम्पले संयुक्त राष्ट्रसंघको महासभामा इरानमाथि कडा चेतावनी दिएका छन् । उनले इरानले आणविक कार्यक्रम र आतंकवादलाई समर्थन गर्ने नीति नत्यागे त्यसलाई आर्थिक रूपमा एक्ल्याउनेदेखि ‘इस्लामिक गणतन्त्र ध्वस्त पार्ने’ विकल्पसम्म रहेको बताएका छन् ।

ट्रम्पले अमेरिकाले इरानलाई आणविक हतियार बनाउन नदिने दाबी गर्दै अन्तर्राष्ट्रिय समुदायलाई पनि इरानमाथि दबाब बढाउन आग्रह गरे । उनले इरानसँग सम्झौता गरेर पुनर्निर्माणको अवसर दिने वा कडा कदम चाल्ने विकल्प रहेको बताएका थिए ।

ट्रम्पको सम्बोधनका क्रममा इरानी प्रतिनिधिमण्डलका सदस्यहरू महासभा हलबाट बाहिरिएका थिए । इरानी विदेशमन्त्री अब्बास अरागचीले अन्तर्राष्ट्रिय संस्थाप्रति गुमेको विश्वास पुनःस्थापित गर्नुपर्ने बताएका छन् ।

ट्रम्पको अभिव्यक्तिको अमेरिकाभित्र पनि आलोचना भएको छ । डेमोक्रेटिक सिनेटर एन्डी किमले आफूलाई शान्तिको राष्ट्रपति बताउने ट्रम्पले अर्कोतर्फ एउटा राष्ट्रलाई पूर्ण रूपमा विनाश गर्ने अभिव्यक्ति दिएको भन्दै आलोचना गरेका छन् ।

त्यस्तै, ट्रम्पले क्युबाको सरकारलाई पनि ‘असफल राज्य’ भन्दै कडा टिप्पणी गरेपछि क्युबाली प्रतिनिधिमण्डलले समेत सभाहल छाडेको थियो । फ्रान्सेली राष्ट्रपति इमानुएल म्याक्रोनले भने विश्व ‘जङ्गलको नियम’तर्फ फर्कन नहुने भन्दै अन्तर्राष्ट्रिय समस्याको समाधानका लागि संयुक्त राष्ट्रसंघलाई बलियो बनाउनुपर्ने बताएका छन् ।

 


Thali Mobile Pvt.Ltd.