भर्खरै : Sorry, your browser does not support inline SVG.
बङ्गलादेशमा राजनीतिक हिंसा चर्कियो, आगजनी र बम विस्फोटका घटनापछि १२४ जना पक्राउ | पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त |

युएईद्वारा इरानसँगको सबै व्यापारिक तथा वित्तीय कारोबार निलम्बन

युएईद्वारा इरानसँगको सबै व्यापारिक तथा वित्तीय कारोबार निलम्बन

एजेन्सी, ३ भदौ । संयुक्त अरब इमिरेट्स (युएई)ले इरानसँग हुने सबै व्यापारिक, व्यावसायिक तथा वित्तीय कारोबार अर्को आदेश नभएसम्मका लागि निलम्बन गर्ने घोषणा गरेको छ।

युएईको विदेश मन्त्रालयले क्षेत्रीय तनाव बढ्दै जाँदा त्यसले क्षेत्रीय तथा अन्तर्राष्ट्रिय शान्ति र सुरक्षामा खतरा उत्पन्न गरेको भन्दै यस्तो निर्णय गरेको जनाएको छ।

युएईको यो निर्णय इरानबाट आएको भनिएका दुई ब्यालेस्टिक मिसाइलसम्बन्धी घटनापछि आएको हो। युएईका अनुसार तीमध्ये एउटा मिसाइल उसको क्षेत्रीय जलक्षेत्रबाहिर र अर्को जलक्षेत्रभित्र खसेको थियो। इरानले भने युएईतर्फ मिसाइल प्रहार गरेको आरोप अस्वीकार गरेको छ।

युएई विदेश मन्त्रालयले क्षेत्रीय तनावका कारण इरानसँगको व्यापार, व्यावसायिक आदानप्रदान र वित्तीय कारोबार रोकिएको जनाएको छ। साथै अन्तर्राष्ट्रिय वित्तीय प्रणालीको अखण्डता तथा अन्तर्राष्ट्रिय कानुन र विश्वव्यापी मापदण्ड पालना गर्न आफू प्रतिबद्ध रहेको बताएको छ।

अमेरिका–इजरायल र इरानबीच जारी युद्ध तथा त्यसको प्रभावका कारण खाडी क्षेत्रमा तनाव बढिरहेका बेला युएईको पछिल्लो निर्णयले इरानसँगको आर्थिक सम्बन्धमा थप दबाब सिर्जना गर्ने देखिएको छ।

 


Thali Mobile Pvt.Ltd.