गोरखा सैनिकलाई साढे दुई वर्ष कैद

२ भदौ २०७७ काठमाडौं । बेलायती गोरखा सेनामा कार्यरत एक गोरखा सैनिकलाई यौन दुव्र्यवहार गरेको आरोपमा अदालतले साढे दुई वर्ष जेल सजाय सुनाएको छ ।

४४ वर्षीय विनोद राईलाई ब्रिस्टोल क्राउन कोटले सजाय सुनाएको हो । राईले आफ्नो साथीको छोरीलाई यौन दुव्र्यवहार गरेको आरोपमा यस्तो सजाय सुनाएको हो । अदालतसमक्ष राईले आरोप भने स्वीकारेका थिएनन् । गत वर्षको १९ जुलाइमा आफ्ना बच्चाहरू स्थानीय रेल स्टेशनबाट घर ल्याउने क्रममा उनीहरूसँगै १३ वर्षभन्दा सानो उमेर मात्र उल्लेख गरिएकी ती बालिकालाई पनि साथमा ल्याएका थिए ।

आफ्ना बच्चाहरू घरमा ल्याएर छाडेपछि राई आफ्नो सिटबाट उठेर कहिलेकाहीँ मात्र खोलिने गाडीको ढोका खोलेर बालिकालाई गाडीको सिटमा ढल्केर बस्न भनी उनको वक्षस्थल छोएको उल्लेख छ । घटना योजनाबद्ध नभए पनि राईले गरेको काममा खराब नियत देखिएको न्यायाधीशले उल्लेख गरेका छन् । यस चरित्र राम्रो रहेको भनिए पनि यो घटनापछि देशका लागि काम गरे पनि अब आफ्नो पद र बस्दै आएको घर समेत गुमाएका छन् ।