टिका थापेर घर फर्कने क्रममा लडेर मृत्यु

खोटाङ । ससुरालीबाट टिका थापेर घर फर्कनेक्रममा एक जनाको मृत्यु भएको छ । खोटाङ दिक्तेल रुपाकोट मझुवागढी नगरपालिका–३ बाम्राङस्थित ससुराली घरमा टिका लगाएर घर फर्कनेक्रममा संखुवासभाको चैनपुर नगरपालिका–८ चैनपुरका ४९ वर्षीय लेखबहादुर राउतको भीरबाट लडेर मृत्यु भएको हो ।

जिल्ला प्रहरी कार्यालय खोटाङका डिएसपी उमेश लम्सालका अनुसार भीरबाट करिब ५० मिटर तल खसेर मृत्यु भएको हो । पोष्टमार्टमका लागि जिल्ला अस्पताल दिक्तेल पु¥याइएको छ । मादक पदार्थ सेवन गरेर भीरबाट लडेको अनुमान गरिएको छ ।

घट्नाका विषयमा थप अनुसन्धान अघि बढाइएको डिएसपी लम्सालले बताए ।