भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

तालिमका लागि काठमाडौं आएका सुर्खेतका प्रमुख प्रशासकीय अधिकृत पक्राउ

तालिमका लागि काठमाडौं आएका सुर्खेतका प्रमुख प्रशासकीय अधिकृत पक्राउ

सुर्खेत । तालिमका लागि काठमाडौंमा रहेका भेरीगंगा नगरपालिका सुर्खेतका प्रमुख प्रशासकीय अधिकृत कमल पौडेल पक्राउ परेका छन् । पौडेललाई अख्तियार दुरुपयोग अनुसन्धान आयोगले पक्राउ गरेको हो । भेरीगंगा नगरपालिकाका खानेपानी प्राविधिक चन्द्रबहादुर केसीलाई दुईलाख घुस सहित अख्तियारको टोलीले फागुन ८ गते पक्राउ गरेको थियो।

केसीको साथमा भएको मोबाइलको कल रेकर्डको आधारमा पौडेल पनि छानबिनको दायरामा आएको अख्तियारले जनाएको छ । प्राविधिक केसीले नगरपालिकाको वडा नम्बर ११, तल्लो बराहस्थित झोलुङ्गे पुल निर्माणको भुक्तानीमा सहजीकरण गरिदिने भन्दै सेवाग्राहीसँग घुस मागेका थिए।

हिरासतमा रहेका पौडेलको अनुसन्धान भइरहेकाले अन्य कुरा भन्न नमिल्ले अख्तियारले जनाएको छ । प्रमुख प्रशासकीय अधिकृत कमल पौडेल काठमाडौंबाट नै पक्राउ परेकोले आधिकारिक रुपमा सुर्खेतलाई थाहा नभएको आयोग सुर्खेतका सूचना अधिकारी मेघनाथ सापकोटाले बताए ।

भेरीगंगा नगरपालिकाका कर्मचारीले भने, हाकिम साप एघार गते नै हिड्नु भएको हो। अलि तनावमा हुनुहुन्थ्यो।‘ अतिआवश्यक चेकमा सहि नगरी काठमाडौं गएका हुन । काठमाडौं पुग्दा मोबाइल स्विचअफ थियो। पछि बुझ्दै जाँदा थाहा भयो अख्तियारको हिरासतमा रहेछन्।’

 


Thali Mobile Pvt.Ltd.