कोरोना संक्रमणबाट नगरपालिका मेयरको मृत्यु

कोरोना संक्रमणका कारण उत्तरी इटालीको चेने नगरपालिकाका मेयर गोर्जियो भ्यालोटीको मृत्यु भएको छ। मेयर भ्यालोटीको संक्रमणकै कारण मृत्यु भएको इटालीका सञ्चारमाध्यमले जनाएका छन् ।

श्वासप्रश्वासमा समस्याय देखिएपछि ७० वर्षीय मेयर भ्यालोटीलाई मार्च ७ मा अस्पताल भर्ना गरिएको थियो। क्सोमा अत्यधिक संक्रमण भएपछि शुक्रबार उनको मृत्यु भएको हो । यसैबीच इटालीमा कोभिड– १९ को संक्रमणबाट मृत्यु हुनेको संख्या एक हजार ८ सय ९ पुगेको छ।

कोरोना भाइरसको संक्रमण १ सय ५७ देशमा फैलिएको छ। चीनको वुहानबाट तीन महिना अघि फैलिएको कोरोना भाइरसका कारण ज्यान गुमाउनेको संख्या साढे ६ हजार नाघेको छ। एजेन्सी