थप ३८० जनामा कोरोना पुष्टी, संक्रमित २२ हजार ९७२ पुग्दा मर्नेको संख्या ७५ पुग्यो (भिडियो)

२५ साउन २०७७ काठमाडौं । नेपालमा थप ३८० जनामा कोरोना भाइरसको संक्रमण पुष्टी भएको छ । देशका विभिन्न प्रयोगशालामा गरिएको परीक्षणका क्रममा पोजेटिभ देखिएको स्वास्थ्य तथा जनसंख्या मन्त्रालयले जनाएको छ । प्रवक्ता डा. जागेश्वर गौतमका अनुसार नेपालमा हाल सम्म कोरोना संक्रमित हुनेको संख्या २२ हजार ९७२ जना पुगेको छ । हालसम्म १६ हजार ३५३ उपचारपछि निको भएर घर फर्किएका छन् ।

थप दुई जना संक्रमितको मृत्यु, मृतकको संख्या ७५
थप २ जना कोरोना संक्रमितको मृत्यु भएको छ। अहिले सम्म मृत्यु हुने कोरोना संक्रमितको संख्या ७५ पुगेको छ ।कास्की जिल्ला पोखरा महानगरपालिका– १९ बस्ने ६२ वर्षीय एक पुरुषको साउन २४ गते राति उपचारको क्रममा निधन भएको हो । यस्तै पर्साको वीरगञ्ज महानगरपालिका– २ बस्ने २० वर्षीया एक महिलाको पनि साउन २४ गते निधन भएको थियो । मृत्यु पश्चात उनको स्वाबको नमुना परीक्षण गर्दा आज कोरोना पुष्टि भएको हो ।

हेर्नुहाेस् भिडियाे…

https://www.facebook.com/Kailashkhabarnews/videos/223606412320297/

उपत्यकामा ९२ नयाँ संक्रमित थपिए
काठमाडौं उपत्यकामा ९२ जना कोरोना संक्रमित थपिएका छन् । यो हालसम्मकै उच्च संख्या हो । आइतबार काठमाडौंमा मात्र ९० र ललितपुरमा २ जना संक्रमित देखिएका छन् । आजको सहित काठमाडौं उपत्यकामा कुल संक्रमितको संख्या ११३६ पुगेको छ । काठमाडौंमा ९१२, ललितपुरमा १३९ र भक्तपुरमा ८५ संक्रमित पुष्टि भएका छन् ।

कुन जिल्लामा कति संक्रमित ?
रोना भाइरसका सक्रिय संक्रमितको संख्या प्रदेश २ मा सबैभन्दा धेरै भेटिएको छ । ६ हजार ५ सय ४४ सक्रिय संक्रमितमध्ये प्रदेश २ मा मात्र ३ हजार ७५ जना रहेको स्वास्थ्य तथा जनसंख्या मन्त्रालयले जनाएको छ । सबैभन्दा धेरै सक्रिय संक्रमित रहेको प्रदेशको सूचीमा बागमती दोस्रो स्थानमा छ । त्यहाँ १ हजार १ सय ३२ जना छन् । त्यस्तै सुदूरपश्चिममा ५ सय ७४ प्रदेश १ मा ५ सय ११, प्रदेश ५ मा ४ सय ४७, गण्डकी प्रदेशमा २ सय ३७ र कर्णाली प्रदेश सबैभन्दा कम १ सय ६९ जना सक्रिय संक्रमित छन्।

प्रदेश १
ताप्लेजुङ ८, सोलुखुम्बु २, ओखलढुंगा ३, भोजपुर २, तेह्रथुम १, पाँचथर १, इलाम ४६, झापा ५४, मोरङ ३१९, सुनसरी ७०, उदयपुरमा ५ जना संक्रमित रहेका छन् ।

प्रदेश २
सप्तरी १६६, सिरहा ७७, धनुषा २३८, महोत्तरी ५७९, सर्लाही २१४, रौतहट ७४५, बारा १०९ र पर्सामा ९०३ जना संक्रमित रहेका छन् ।

बागमती प्रदेश
दोलखा ४, सिन्धुपालचोक ३३, रसुवा १, धादिङ २५, नुवाकोट ३२, काठमाडौं ७९०, भक्तपुरमा ५३, ललितपुर १०५, काभ्रेपलान्चोक १०, रामेछाप २३, सिन्धुली ७, मकवानपुर ३७ र चितवनमा १२ जना संक्रमित रहेका छन् ।

गण्डकी प्रदेश
गोरखामा २९, म्याग्दी ३, कास्की ५१, लमजुङ २०, तनहुँ १२, नवलपरासी पूर्व २३, स्याङ्जा ७२, पर्वत ३ र बाग्लुङमा २४ जना संक्रमित रहेका छन् ।

प्रदेश ५
रुकुम पूर्व ७, रोल्पा ४, प्युठान ८, गुल्मी १६, अर्घाखाँची १८, पाल्पा १०, नवलपरासी पश्चिम ४९, रुपन्देही ३६, कपिलवस्तु ११८, दाङ ५२, बाँके १४३ र बर्दियामा ९२ जना सक्रि संक्रमित रहेका छन् ।

कर्णाली प्रदेश
रुकुम पश्चिम १, मुगु, ८, कालीकोट १८, दैलेख २३, सुर्खेत २१, जुम्ला ५, जाजरकोट १६ र सल्यानमा ७७ जना संक्रमित रहेका छन् भने हुम्ला र डोल्पामा एक जना पनि संक्रमित छैनन् ।

सुदूरपश्चिम प्रदेश
कन्चनपुर ५७, डडेल्धुरा १३, बैतेडी १७, दार्चुला २६, कैलाली १६८, डोटी १९८, बझाङ १८७, बाजुरा १८९ र अछाम ११९ जना सक्रिय संक्रमित रहेका छन् ।

निजी सुरक्षागार्डलाई कोरोना पुष्टि
नेपाल कम्युनिष्ट पार्टी (नेकपा)का महासचिव विष्णुप्रसाद पौडेलका निजी सुरक्षा गार्डलाई कोरोना संक्रमण देखिएको छ। पौडेलको सुरक्षामा खटिएका निजी सुरक्षा गार्डलाई कोरोना संक्रमणको पुष्टि भएको हो । सुरक्षा गार्डलाई कोरोना संक्रमण भएपछि पौडेल होम आइसोलेसनमा बसेका छन् ।