- २२ श्रावण २०८३, शुक्रबार / Aug 7, 2026
४ भदौ २०७७ काठमाडौ । दुई थान पेस्तोल र त्यसमा प्रयोग हुने १० राउण्ड गोलीसहित प्रहरीले माछापोखरीबाट दुई जना पक्राउ गरेको छ ।
मेड इन युएसए लेखेको दुई थान पेस्तोल, दुई थान म्यागेजिन र १० राउण्ड गोलीसहित वुधबार नुवाकोेटका २७ वर्षीय विकेश पण्डितलाई अपराध महाशाखाको टोलीले पक्राउ गरेको हो । उक्त हतियार ओसार्न लगाउने नुवाकोटका २८ वर्षीय अमर तामाङलाई समेत पक्राउ गरिएको प्रहरी वरिष्ठ उपरीक्षक दिपक थापाले बताए ।
वरामद हतियार धनुषाका ३५ वर्षीय शम्भु कार्कीको भएको र माछापोखरीमा रहेको हतियार नुवाकोट लैजाने क्रममा पण्डितलाई पक्राउ गरेका प्रहरीको भनाई छ । पक्राउ परेका तामाङ डाँका सम्बन्धी मुद्दामा ६ वर्ष २ महिना कैद भुक्तान गरेर गत २२ फागुनमा छुटेको महाशाखाले जानकारी दिएको छ ।
