- ३० भाद्र २०८३, मंगलवार / Sep 15, 2026
एजेन्सी । मोरक्कोबाट स्पेनको स्वायत्त क्षेत्र सेउटामा ठूलो संख्यामा आप्रवासी प्रवेश गरेपछि उत्पन्न परिस्थितिबारे छलफल गर्न युरोपेली सङ्घ (ईयू) ले आपतकालीन बैठकको आह्वान गरेको छ।
बीबीसीका अनुसार स्पेन र अन्य सदस्य राष्ट्रबीच बढ्दो चिन्ताका बीच सेउटामा देखिएको आप्रवासी सङ्कटबारे तत्काल छलफल गर्न ईयूले आपतकालीन बैठक बोलाएको हो।
मोरक्कोबाट करिब ६० हजार आप्रवासी स्पेनको सेउटा क्षेत्रमा प्रवेश गरेपछि ईयूका २२ सदस्य राष्ट्रहरूले संयुक्त पत्र जारी गर्दै समन्वयात्मक कदम चाल्न र युरोपेली सङ्घको बाह्य सीमाको सुरक्षा थप सुदृढ बनाउन आग्रह गरेका छन्।
स्पेनी अधिकारीहरूका अनुसार सेउटा पुगेका अधिकांश आप्रवासी फर्किसकेका छन्। यस घटनामा मृत्यु हुनेको संख्या कम्तीमा ६७ पुगेको जनाइएको छ।
स्पेनका प्रधानमन्त्री पेद्रो सान्चेजले सेउटाको अवस्था अहिले पूर्ण रूपमा नियन्त्रणमा रहेको बताउँदै सीमा क्षेत्रमा सुरक्षा व्यवस्थालाई थप प्रभावकारी बनाइएको जानकारी दिनुभएको छ।
