भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

इजरायल–इरानले तत्कालका लागि सैन्य कारबाही रोके, युद्धविराम उल्लङ्घन भए कडा जवाफ दिने चेतावनी

इजरायल–इरानले तत्कालका लागि सैन्य कारबाही रोके, युद्धविराम उल्लङ्घन भए कडा जवाफ दिने चेतावनी

एजेन्सी । इजरायल र इरानले एक अर्काविरुद्ध जारी सैन्य कारबाही तत्कालका लागि रोक्ने घोषणा गरेका छन्। पछिल्ला दिनहरूमा बढ्दो तनाव र प्रतिआक्रमणपछि दुवै देशले अवस्था थप जटिल नबनाउन अस्थायी रूपमा सैन्य गतिविधि स्थगित गरिएको बताएका हुन्।

इजरायली प्रधानमन्त्री बेन्जामिन नेतान्याहुले हालका लागि आक्रमण रोकिएको जानकारी दिँदै इरान र हेजबुल्लाहविरुद्धको सङ्घर्ष भने समाप्त नभएको बताएका छन्। उनले आवश्यक परे इजरायलले आफ्नो सुरक्षाका लागि आवश्यक कदम चाल्ने स्पष्ट पारेका छन्।

यता इरानी सेनाले पनि तत्कालका लागि सैन्य कारबाही रोकिएको जनाएको छ। तर भविष्यमा इजरायलबाट कुनै पनि प्रकारको आक्रमण भए अझ कठोर र विनाशकारी प्रतिक्रिया दिने चेतावनी दिएको छ।

हालै लेबनानको राजधानी बेरुतमा भएको आक्रमणको प्रतिशोधस्वरूप इरानले इजरायलतर्फ क्षेप्यास्त्र प्रहार गरेको थियो। त्यसको जवाफमा इजरायलले इरानभित्र रहेका सैन्य संरचनालाई लक्षित गर्दै हवाई आक्रमण गरेको थियो। यस घटनापछि मध्यपूर्व क्षेत्रमा तनाव थप चुलिएको थियो।

यसबीच अमेरिकी राष्ट्रपति डोनाल्ड ट्रम्पले इजरायली प्रधानमन्त्री नेतान्याहुसँग टेलिफोन संवाद गरी थप सैन्य कारबाही रोक्न आग्रह गरेको बताएका छन्।

बीबीसीसँगको अन्तर्वार्तामा ट्रम्पले नेतान्याहुले आफ्नो आग्रहलाई सम्मान गरेको दाबी गर्दै दुवै पक्ष शान्ति सम्झौताको दिशातर्फ अघि बढिरहेको बताएका छन्। उनले इजरायल र इरान दुवैलाई संयमता अपनाउन तथा जारी वार्तालाई सफल बनाउन तत्काल गोलाबारी रोक्न सार्वजनिक अपिल गरेका छन्।

यद्यपि दुवै देशले युद्धविराम उल्लङ्घन भए कडा जवाफ दिने चेतावनी दिएकाले मध्यपूर्वको सुरक्षा अवस्था अझै संवेदनशील रहेको विश्लेषण गरिएको छ।

 


Thali Mobile Pvt.Ltd.