भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

पाकिस्तानमा मनसुनी विपद् : वर्षाजन्य घटनामा ११ जनाको मृत्यु, २७ घाइते

पाकिस्तानमा मनसुनी विपद् : वर्षाजन्य घटनामा ११ जनाको मृत्यु, २७ घाइते

इस्लामाबाद, १८ असार । पाकिस्तानमा भारी मनसुनी वर्षासँगै आएको आँधीबेहरी र तीव्र हावाका कारण भएका विभिन्न घटनामा कम्तीमा ११ जनाको मृत्यु भएको छ भने २७ जना घाइते भएका छन्।

प्रान्तीय विपद् व्यवस्थापन प्राधिकरण (पीडीएमए) का अनुसार उत्तरपश्चिमी खैबर पख्तुनख्वा प्रान्तमा एक महिला र तीन बालबालिकासहित छ जनाको मृत्यु भएको छ। उक्त घटनामा १९ जना घाइते भएका छन्। अविरल वर्षाका कारण दुई वटा घर पूर्ण रूपमा क्षतिग्रस्त भएका छन् भने ३८ वटा घरमा आंशिक क्षति पुगेको जनाइएको छ।

यस्तै, पूर्वी पञ्जाब प्रान्तको अटक जिल्लामा भारी वर्षापछि पर्खाल भत्किँदा दुई बालबालिकाको मृत्यु भएको छ भने अन्य तीन जना घाइते भएका छन्। दक्षिणपश्चिमी बलुचिस्तान प्रान्तमा पनि वर्षाजन्य घटनामा एक महिलासहित तीन जनाको ज्यान गएको र पाँच जना घाइते भएको अधिकारीहरूले बताएका छन्।

अधिकारीहरूले आगामी दिनमा थप वर्षा हुने पूर्वानुमान रहेकाले जोखिमयुक्त क्षेत्रमा बसोबास गर्ने नागरिकलाई आकस्मिक बाढी, पहिरो तथा अन्य वर्षाजन्य विपद्बाट बच्न उच्च सतर्कता अपनाउन आग्रह गरेका छन्।

 


Thali Mobile Pvt.Ltd.