कोरोना भाइरस विरुद्धको खोप सुरक्षित रहेको अक्सफोर्ड विश्वविद्यालयको घोषणा

५ साउन २०७७ । विश्वमा कोरोना भाइरसको खोप कसले छिटो बनाउला भन्ने चर्चा चलिरहेको वेला अक्सफोर्ड विश्वविद्यालयले कोरोना भाइरसविरुद्धको खोप सुरक्षित रहेको घोषणा गरेको छ ।

अक्सफोर्डले विकसित गरेको खोप मान्छेका लागि सुरक्षित रहेको पाइएको सञ्चार माध्यमहरुले जनाएका छन ।

बेलायतले पहिलो चरणमा खोपको एक अर्ब डोज बनाउन अक्सफोर्ड युनिभर्सिटी तथा खोप निर्माता कम्पनीसँग अर्डर गरिसकेको जनाइएको छ । खोपले कोरोना भाइरसको स्पाइक प्रोटिनलाई निष्क्रिय बनाउने बताइएको छ ।

विश्वविद्यालयले ह्यूमन ट्रायल गर्दा खोपबाट मान्छेमा कोरोनाविरुद्ध लड्न इम्युनिटी अर्थात प्रतिरोधक क्षमता विकसित गरेको जनाइएको छ । ११ हजार ७७ जनामा दोस्रो चरणको परीक्षण गर्दा खोप सुरक्षित रहेको पाइएको छ ।