विमान दुर्घटनामा मृत्यु हुनेको संख्या २३ पुग्यो

कंगोमा आइतबार भएको विमान दुर्घटनामा मृत्यु हुनेको संख्या २३ पुगेको छ । विमानले धावन मार्गबाट उडान भरेको केही समयभित्रै प्राविधिक समस्या आएपछि अवतरणको अवस्थामा नआउदै घना बस्तीमा खसेको थियो। विमानमा दुई चालका दलका सदस्यसहित १७ यात्रु रहेका थिए।

उनीहरूलाई जीवित भेट्ने सम्भावना निकै कम भएको उद्धार कार्यका लागि घटनास्थलमा तैनाथ सुरक्षाकर्मीले बताए।अहिलेसम्म २३ जनाको मृत शरीर घटनास्थलबाट निकालिएको उद्धार टोली संयोजक जोसेफ माकुन्दीले बताए । दुर्घटनामा कुनै पनि यात्रु जीवित उद्धार गर्ने सम्भावना क्षीण रहेको उनको भनाई छ।

गोमाबाट उत्तरी क्षेत्रमा रहेको बेनीका लागि बिहान करिब ९ बजे उडेको ‘डोर्नियर–२२८’ विमानस्थलबाट ३५० किलोमिटर टाढा आवास क्षेत्रमा खसेको कंगोका अधिकारीले पुष्टि गरेका छन्। दुई चालक दलका सदस्य रहेको विमान बस्तीमा खसेको तर त्यहाँ कतिको मृत्यु भएको वा घाइते भए भन्ने जानकारी आइनसकेको संचारमाध्यमले जनाएका छन् । एएफपी